For kort tid sidan kom tidlegare styremedlem i Sunnmørsbadet, Stig Remøy, med kritikk til  ordførar Arnulf Goksøyr i Herøy for måten han har takla den økonomisk tøffe tida til Sunnmørsbadet på.

Goksøyr var styreleiar for Sunnmørsbadet inntil han trakk seg i fjor.

No har Goksøyr fått kritikk igjen. Denne gongen frå Bjørn Martin Aasen, dagens styreleiar i Sunnmørsbadet.

Nettstaden nærnett.no skriv at eigarane av Sunnmørsbadet var samla til generalforsaming tysdag. Der kom Aasen med sterk kritikk av Goksøyr. Kritikken gjekk på karakteristikkar som Goksøyr har kome med om styremedlem Per Kyrre Kvien. Ordføraren har blant anna kalla han eit "uskrive blad".

- Kven er ein sentral person i styret, med udiskutable kvalitetar. Eg tek derfor klar avstand frå denne typen personkarakteristikkar, og særleg frå ein så sentral person i kommunen som ordføraren, sa Aasen, som meinte det var på plass med ei beklaging.

Og det hintet tok Goksøyr.

På slutten av møtet tok han ordet og ba om orsaking.

- Det har aldri vore meininga å støte nokon med utsegnene mine i denne sak, sa ordføraren, og tok Per Kyrre Kvien i handa.