Tidlegare rådmann i Herøy, Erlend Krumsvik, går inn som rådgivar i Sunnmøre Regionråd IKS for å styrke arbeidet med kommunereforma.
Krumsvik gjekk frå stillinga som rådmann i Herøy med umiddelbar verknad 17. desember.
I tillegg til erfaringa som rådmann, har Krumsvik bakgrunn som folkevalt i Volda og han har også forska på kommunesamanslåing i Møreforsking AS. Krumsvik tiltredde stillinga 1.mars.
- Regionrådet si rolle i kommunereforma er å legge til rette for gode lokale og regionale prosessar. Til grunn for dette ligg vedtak i Sunnmøre regionråd sitt styre og representantskap om at regionrådet skal ha ei offensiv og sentral rolle arbeidet, heiter det i ei pressemelding frå Sunnmøre regionåd.
Sunnmøre regionråd IKS er eit samarbeidsorgan for 19 kommunar på Sunnmøre og i Romsdal. Selskapet si målsetjing er å bidra til ei positiv utvikling i medlemskommunane og i regionen.