Dårlegare utsikter for verfta

NPK):– Eg trur vi vil sjå eit lågare investeringsnivå for avanserte offshorefartøy framover. Vi merkar det i form av færre søknader om finansiering, og seinare vil det påverka aktivitetsnivået ved verfta, seier administrerande direktør Jarle Roth i Eksportkreditt Norge til Dagens Næringsliv.

Eksportkreditt Norge er underlagt Nærings- og fiskeridepartementet og tilbyr mellom anna lån til finansiering av skip bygd i Noreg.

Etter det avisa fortel har fleire store verftsgrupper alt merka nedgangen. Sjefen for verftsgruppa Vard, Roy Reite, har tidlegare varsla at ordreinngangen i år kjem til å bli svak og at det blir eit utfordrande år.

Vard byggjer avanserte offshoreskip og har fem verft i Noreg.

Også verftsgruppa Havyard Group skal ha merka ein klar nedgang.

- To magre år

Direktør Jarle Roth i Eksportkreditt Norge trur det kan bli to magre år før etterspurnaden i offshorenæringane tek seg opp att. (©NPK)