900 meter med rør blir senka i fjorden

I dag, fredag, har det vore intens jobbing med å legge rør utover i sjøen frå Kommunekaia i Ulseinvik sentrum.

- Leidninga er totalt 900 meter lang, og dimensjonen på røra er 630 mm, fortel dagleg leiar Øyvind Amdam i Ulstein Fjernvarme.

Det er entreprenør G. Øye As som utfører arbeidet, og leidninga skal følgje Ulstein kommune si nye vassleidning som går over til Dimna.

- Om lag 700 meter ute i fjorden svingar leidninga seg ut i djupare farvatn, der ho skal bli liggande på kote 37 meter, opplyser Amdam.

Leidninga er påført lodd og skal senkast til sjøbotnen ved å fylle ho med sjøvatn. På botnen skal ho plasserast i nøyaktig posisjon av dykkerar.

- Entreprenøren og prosjektørane har utført arbeidet på eksemplaris vis, seier Amdam.

Det er Fjordvarme AS, i samarbeid med Riksheim Consulting, som har stått for prosjekteringa.