Den nytilsette politiske sekretæren i Ulstein, Svein Arne Orvik, inntok torsdag plassen sin i Ulstein kommunestyre for første gong,  lett sekundert av avtroppande politisk sekretær Marianne Hatløy.

I velkomstorda sine til Orvik sa ordførar Jan Berset at den nye politiske sekretæren hadde bakgrunn som bl. a. politisk rådgjevar på Stortinget og som informasjonssjef i Språkrådet. Med tanke på det siste sa Berset seg sikker på at språket i kommunen var i trygge hender. Orvik flytta til Ulsteinvik med familien i fjor sommar og var på rådhuset for første gong denne veka.