Gråpapir løyner kva som er på innsida, men onsdag føremiddag blir det nyopning for AnChri i Ulsteinvik sentrum.
Dameklebutikken er 31 år i år, og har hatt tilhald både i Kyrkjegata, i dagens bygg, og i 14år på Blåhuset. No er dei tilbake på gateplan i AnChri-bygget like ved Pernilles Clinique.
- Vi har totalrenovert bygget. Det har gått med 100 liter kvitmåling, og vi er svært nøgde med resultatet, seier Anja Nykrem Korshaug. Onsdag får alle som kjem innom kaffi, kaker, gi-bort-gåver og sjanse til å vinne gåvekort.
- Men viktigast av alt er sjølvsagt alle dei nye kleda vi har fått inn. Her er vi verkeleg klare for den store mai-festen, smiler Laila Gjerde Nykrem og dottera Anja Nykrem Korshaug. Begge rettar ei stor takk til familien for strålande arbeidsinnsats.