ABBs nye elektriske framdriftssystem for offshorefartøy, Azipod D, er kåra til årets maritime innovasjon i 2015.
Azipod driv verdas største cruiseskip, isbrytarar og ferjer. No er nyaste utgåve kåra til årets største innovasjon i bransjen. Prisen for årets innovasjon (“Innovation of the Year”) anerkjenner ABBs nye Azipod D framdriftssystem for sitt viktige bidrag for å avansere moderne maritime operasjonar.
Årets produsent
ABB vart også utnemnd til årets produsent av framdriftssystem 2015 ("Propulsion Manufacturer of the Year 2015”) for andre år på rad. Prisane vart delt ut under den velrenommerte utstillinga Electric & Hybrid Marine World Expo i Amsterdam no i slutten av juni.
Ein internasjonal jury av 38 shippingjournalistar, industriekspertar og akademikarar røysta Azipod D heilt til topps for sin høge fleksibilitet, pålitelegheit og energieffektivitet.
– Me er nøgde med at det siste tilskotet vårt til ABB sin portefølje av elektriske framdriftssystem blir anerkjent som årets innovasjon, og at utbreiinga av slike system framleis vil vekse fleire gonger raskaren enn verdas flåte. Fleksibiliteten og drivstoffeffektiviteten i elektriske framdriftssystem speler ei sentral rolle for yteevna og konkurransekraft innan maritime operasjonar, seier Peter Terwiesch, leiar for prosessautomatisering i ABB.