Brannvesenet blei varsla kring klokka 20.20. To brannbilar, samt både sjukebil og politi blei då sendt til stedet.
Brannen er no sløkt.
Alle personar er redda ut av bygget.
- Den eine brannmannen kunne fortelle at brannen starta ved komfyren, og utarta seg derifrå. Han melder om store røykskader, også i hovudetasja, seier William Thorseth, som var vitne til hendinga.
Ifølge politiet, starta brannen i ei smultgryte.
- To utanlandske beboarar som var til stades i leilegheita blir tatt med til legen for sjekk, melder politiet på Twitter.
3 veker sidan forrige brann
Dette skjer 3 veker etter eit bustadhus vart totalskadd i brann i Brandal.
Etter det Vikebladet/Vestposten erfarer, er leilegheita utleigd til same person som budde i huset som brant i Brandal 9. juni.
Saka vert oppdatert.