Andersen kvalifiserte seg til finalen ved å bli nummer to i kvalik-heatet laurdag. I finalen fekk han tildelt bane 1 inst ved lista og førte feltet ut av første sving. Då han slapp til andre løparar vart det brått full stopp i tempoet - og feltet passerte 400-meteren på svake 63 sekund. Feltet var godt samla rundt siste sving og inn på oppløpet. Ådne prøvde å avansere, men måtte ta til takke med 7.-plassen av 8 løparar. Tida hans vart 1.58.20, medan vinnaren Andreas Rooth kom inn på 1.56.04. Det gjekk med andre ord fort unna på sisterunda.

Andersen hadde som mål med NM-deltakinga å kome med i finalen - og nådde målet med glans. Men løpsutviklinga gjorde at den personlege rekorden på 1.54.02 står framleis.