Sandsøyingen Eirik Voksøy Bringsvor vann klasse 20-22 år på tida 1.01.54. Han var 6 minutt og 24 sekund bak dagens totale vinnar, Erling Hisdal frå Tjalve.

I klasse 65-69 år vann Sigleiv Karlsen frå Flø på tida 1.38.41. Han var vel 12 minutt før nr. 2 i klassa i mål; Kjell M. Fagerlund frå Hasundgot (1.50.54).

Av andre Ytre Søre-løparar kan nemnast at Anders Bringsvor frå Sandsøya hadde dagen 20. beste tid totalt (1.06.33), medan Martin Hauge-Nilsen (Kondis) hadde den 21. beste tida (1.07.29).

Ingvild Øye frå Hovdebygda var beste kvinne på 1.12.33. Her deltok ingen frå Ytre Søre Sunnmøre.

Konkurranseklassene hadde i år 92 deltakarar – 75 menn og 17 kvinner.