Skal møte representantar frå verft- og utstyrsindustrien for å drøfte utfordringane i tida framover.
Endret: 11.04.2010 kl. 13:36
Næringskomiteen har 14 medlemer, og blir leia av Terje Aasland (Ap.).
Møtet i Ulsteinvik vil bli i kantina ved Ulstein Power & Design.
På programmet står ei kort innleiing ved Mafoss, og korte orienteringar frå ulike bedriftsleiarar. Frå det lokale næringslivet stiller leiinga i Ulstein Group ASA/Ulstein Verft, Kleven Maritime, Rolls-Royce Marine, Evomec, Scana Volda, MPC Servi og Odim.
Etter lunsj blir det opna for drøfting.
Arbeidsområda til næringskomiteen spenner frå industri- og handelsverksemd, skipsfart, statleg eigarskapspolitikk, konkurranse- og prispolitikk, landbruk, jordbruksavtalen, matpolitikk, fiskeri, fangst, akvakultur og laksefiske.
Frå Møre og Romsdal er det stortingsrepresentantane Harald T. Nesvik (Frp.), Else-May Botten (Ap.), Elisabeth Røbekk Nørve (H) og Rigmor Andersen Eide (KrF.) som er medlemer i Næringskomiteen.
