Damien Hirst og Magne Furuholmen sitt nye musikkprosjekt, “Apparatjik” blir to av godbitane under kunst-ivalen “Go With the Flø”.
Endret: 23.04.2010 kl. 14:09
Kunst, musikk og mote skal sameinast på Flø laurdag 5. og søndag 6. juni. Studio Hugo Opdal arrangerer kunstivalen “Go With the Flø” i samarbeid med bygdefolket og Moods of Norway.
Med i gruppa “Apparatjik” er Magne Furuholmen fra A-ha, Guy Berryman fra Coldplay, Jonas Bjerre fra Mew og produsenten Martin Terefe.
Apparatjik har med seg ei spesialkonstruerte kube til Flø, der dei skal spele i gymnastikksalen på skulen.
Gruppa kom opprinneleg saman i samband med innspillinga av et veldedighetsalbum. Apparatjik spelte den første live-konsert i Berlin 1. februar i år, i samband med utgjevinga av detførste albumet deira, We Are Here.
Daimen Hirst
Den verdskjende kunstneren Damien Hirst stiller på Flø med kunstverk til ei utstilling som opnar same helga. Utstillinga er i samarbeid med Paul Stolper Gallery i London og blir open til ut i august.
Den mykje omdiskuterte briten blir av mange rekna som den største samtidskunstnaren i verda. Hirst har skapt furore blant anna med kunstverk av døde dyr - og fordi han har utfordra oppfatningane om kommersiell kunst.
Billetter til konserten med Apparatjik vil vere avgrensa. Detaljar om konserten vil kome etter kvart, opplyser gallerist Hugo Opdal.
