Seismikk- og forskingsskipet Oceanic Vega frå Ulstein er nominert til Årets Skip av magasinet Skipsrevyen.
Endret: 09.07.2010 kl. 13:15
- Juryen gler seg over at det også i år står mellom fleire spennande og innovative design. Avgjersla fell om cirka tre veker, seier jurymedlem Asle Strønen.
Tildelinga skjer på SMM-messa i Hamburg 8. september. Det er femte år på rad at eit skip levert frå Ulstein Verft blir nominert til Årets Skip. Tre fartøy frå Ulstein Verft har tidlegare vorte heidra som ”Årets Skip”.
Eit krav for å bli nominert er at skipet er norskdesigna, norsk bygd og eigd av eit norsk reiarlag. Oceanic Vega er designa av Ulstein Design & Solutions i Ulsteinvik, bygd av Ulstein Verft i Ulsteinvik/Vanylven, og er eigd av Eidesvik Seismic Vessels, som er majoritetseigd av Eidesvik Offshore på Bømlo.
