Avisa the Roanoke Times, som held til i Virginia i USA, har vore på reise på Søre Sunnmøre og laga reportasje frå turen.
Endret: 13.07.2010 kl. 11:23
I Artikkelen kan vi mellom anna lese om Hareid, Kvitneset og Runde. Journalisten har besøkt store delar av Vest-Norge, inkludert Geiranger, Ålesund og Bergen. Men det er altså øyene på Ytre Søre som er hovudfokus for artikkelen.
Stadane som blir omtalt i artikkelen, er Hareid, Kvitneset og Runde. Ei leigd hytte på Kvitneset var overnattingsstad for journalisten medan han var her.
Frå Kvitneset får vi høyre om krigshistoria til staden, bygda som ein gong låg her og, som alltid, den vakre naturen.
Hareid blir omtalt som sjarmerande og enkelt - "med berre ein kafé og ein pizzarestaurant."
På lundefugl-jakt på Runde
Fugleøya Runde er tildelt mykje spalteplass i artikkelen - av naturlege
årsaker. Her var det store målet å få sjå lundefugl (puffin på engelsk), som
dei lukkast med på ein kveldstur til lundeura.
Vinklinga for reportasjen er det ein kan kalle klassisk for ei reisereportasje
frå utkant-Norge. Her får vi høyre om "the slow pace of
life" og "Norway's remoteness".
- Det føltes som å vere på verdas ende, skriv forfattaren om ein kveldstur der
han såg sola gå ned i havet ved Runde.
The Roanoke Times er ei dagsavis som kjem ut i den sør-vestre delen av delstaten Virginia i USA. I avisa sitt dekningsområde ligg mellom anna det kjende universitetet Virginia Tech. Avisa har eit opplag på i underkant av 100.000 eksemplar.
Reportasjen kan du lese her.
