(NPK): I sommar vil du truleg sjå fleire vegskilt med det brune hanesymbolet på enn tidlegare.
Endret: 13.07.2010 kl. 15:51
Haneskiltet er eit offentleg vegskiltsymbol for gardsmat og bygdeturisme. Skiltet kom i 2005 og viser veg til overnattings- og serveringsstader, aktivitetar og gardsbutikkar.
– Vi er svært glade for at stadig fleire bedrifter søkjer og tar dette skiltsymbolet i bruk. God og effektiv skilting er ein viktig del av arbeidet med å gjere dei mange spennande bedriftene rundt om i Bygde-Noreg lettare tilgjengelege, seier styreleiar i Hanen Jan Tjosås til Norges Bondelag sine nettsider.
Det er 136 verksemder i Bygde-Noreg som har løyve til å bruke skiltsymbolet med den brune hanen. Organisasjonen Hanen organiserer bygdeturisme, gardsmat og innlandsfiske i Noreg, og er dei som godkjenner kva for bedrifter som kan bruke det offentlege skiltsymbolet.
Meir informasjon om skiltinga med den brune hanen og om alle dei nærmare 500 hanemerkte bedriftene kan ein finne på www.hanen.no. (©NPK)
