Endret: 01.09.2010 kl. 21:11
Brandalsdagane startar i morgon, fredag, men då er det berre barnedisko på Pakkhuset som står på programmet.
Laurdag og søndag blir det meir tettpakka.
Brandal er kjende for å ha mange badenymfer, og ein og anna badeløve. Dei som vil symje blant nymfer og løver må laurdag og/eller søndag møte opp på kai klokka 10.00. For då går fellesjumpet.
Heile laurdagen blir det kafe i Pakkhuset, og standar i sentrum. På bedehuset blir det loppemarknad, og i sentrum blir det barneriding.
Tanken er også å arrangere kassebilløp, men førebels har påmeldinga vore mager. Så dei som har kassebilar må skunde seg å melde frå.
Laurdag er også dagen for den prestisjetunge fotballkampen mellom Indre- og Ytredalen. Kampen går på skuleplassen, og det er berre å møte opp for å heie.
Og når laurdagskvelden kjem blir det fest på Pakkhuset med grilling og underhaldning av Fredrik Steen. Pakkhuset har grillar, men grillmaten må deltakarane ta med sjølve.
Fiskekonkurranse søndag
Også søndag morgon blir det fellesbading i sentrum. På Ishavsmuseet blir det sal av rømmegraut, kaffi og kaker, og det blir også denne dagen loppemarknad på bedehuset.
Men det store søndag er fiskekonkurransen. Basen og påmelding blir på Pakkhuset, og fiskegrensa spenner frå Kvitneset til Lisjeneset i Brandalsstranda.
Søndag blir det også sykkelløp for dei yngste. Påmeldinga skjer på Pakkhuset, og det vil bli delt ut diplom til alle deltakarane.
