Sigbjørn Haddal har sagt opp drosjeløyvet sitt, og Ronald Kaldhol tek over.
Endret: 02.09.2010 kl. 09:48
Haddal har sagt opp løyvet sitt med verknad frå 1. oktober i år. Hareid Drosjesentral har varsla samferdselssjefen i Møre og Romsdal om at dei ønskjer at løyvetalet skal vere på same nivå som i dag, og at løyvet til Haddal blir utlyst.
Utlysinga vart gjort i sommar, og det melde seg to søkjarar.
Samferdselsutvalet i Møre og Romsdal har vurdert dei to søkjarane. Ingen av dei fyller vilkåra etter yrkestransportforskrifta for å få tildelt drosjeløyve, og ingen av søkjarane har fått godkjent ansiennitet som drosjesjåfør på heiltid i over to år.
Men etter ei samla vurdering gjekk løyvet til Ronald Kaldhol. Han er i gang med å ta løyvekurset, og skal ta eksamen i midten av september. Kaldhol er dessutan den einaste av søkjarane som har ansiennitet som drosjesjåfør på deltid ved Hareid drosjesentral. I tillegg er han for tida tilsett som drosjesjåfør på heiltid ved sentralen.
