Vanskeleg for Ørjan Nyland i U21-debuten

HAMAR: Ørjan Håskjold Nyland måtte plukke fire ballar ut av nettmaskene i debuten på U21-landslaget. Hødd-målvakta kom likevel godt frå torsdagens landskamp mot Sverige som enda i 1-4-tap.
(Foto: Dagfinn Limoseth)

Foto: Dagfinn Limoseth

- Eg er ikkje hundre prosent nøgd med min eigen innsats. Eg meiner sjølv at eg kunne ha redda Sverige-scoring nummer to sjølv om det var eit bra skot. Men det var ingen keepertabbe, sa Ørjan då han etter kampslutt skulle oppsummere sin første landskamp sidan i 2009.

Det har gått nesten to og eit halvt år sidan Ørjan førre gong var i aksjon mellom stengene i norsk landslagsdrakt. Han hadde trenarane si tillit då U19-landslaget deltok i Algarve Cup i Portugal. Etter kvart blei det benkesliting for Hødd i 2. divisjon. Dermed forsvann også moglegheita for å spele aldersbestemte landskampar.

- Det har heile tida vore eit mål å kome tilbake på landslaget. Men eg har vore klar over at eg må prestere på klubblaget for å kome med. Eg føler eg har hatt ei fin utvikling dei to siste sesongane. På dei fleste områda har eg betra meg etter at eg blei førstekeeper i Hødd, seier Håskjold Nyland.

Den spenstige og atletiske keeperen fekk også gitt prov på sine kvalitetar på Hedmarken. Fleire gonger dokumenterte Håskjold Nyland både reaksjonsevne og autoritet. Men han fekk ein vanskeleg jobb i første omgang. Det norske forsvaret hang ikkje saman den første halvtimen på Briskeby stadion, noko som var ein medverkande årsak til at Ørjan måtte kapitulere for to skot.

God på trening

Han kan på ingen måte lastast for at det 2–0 til dei blå-gule ved halv tid. Det var eit heilt anna norsk lag som kom på bana etter sidebytte. Ei sen redusering tente håp om uavgjort. I staden kom det to nye Sverige-mål mot slutten av kampen. Ørjan Håskjold Nyland ikkje gjere mykje med dei. 20-åringen meinte det har gått betre på trening enn det som var tilfelle i kampen. Voldingen følte han på samlinga i forkant fekk henta ut potensialet på fleire av øktene. Derfor har han von om å bli med vidare. Søndag er det ny landskamp.

- Det ligg i korta at Arild Austbø får stå oppgjeret mot England. Vi fekk under samlinga signal om at vi i utgangspunktet skulle stå ein kamp kvar. Derfor er eg innstilt på at eg starter på benken i Southampton, seier 1990-modellen som har imponert mellom Hødd-stengene i år. Det har igjen gjort han landslagsaktuell. Håskjold Nyland legg ikkje skjul på at han var forventningsfull i timane før start. Spenningsnivået var derimot ikkje høgare enn at han hadde kontroll på nervane. Det kribla derimot litt meir enn det bruker å gjere.

Den primære målsetjinga framover blir å gjere det bra på klubblaget. I så fall kan han vere inne i landslagsvarmen når EM-kvalifiseringskampane startar til hausten. Ørjan er i motsetning til mange målvaktar trygg med beina. Det veit landslagstrenarar å verdsette ettersom det er ein viktig eigenskap i moderne fotball. Det kan vise seg å bli ein triumf når han skal prøve å kapre trøye nummer éin.

Meir å lese på Vikebladet Vestposten:
Siste nyheter

Har underteikna avtale om Havøy kommune

Sande og Herøy er eitt steg nærare å slå seg saman.

Musikalsk julebord på Sjøborg

I tre dagar inviterer Sjøborg kulturhus og Quality Hotel Ulstein til «musikalsk julebord» med Ulstein storband og lokale solistar.

Slettevoll ser teikn til lysning

No ser seismikkreiar Ivar Slettevoll teikn til lysare tider.

– Ulsteinvik barneskule må byggjast på

Ulstein Venstre meiner kommunen må gjere noko.

Eigedomstransaksjonar

Herøy toppar framleis

Men i november var det tett mellom fleire av kommunane i ytre.

Sjå kvar det er flest fritidseigedomar

I løpet av dei fem siste åra har 365 fritidseigedomar skifta eigar.

Her er årets dyraste bustadar

27 bustadar solgt for meir enn 4 millionar kroner i 2016.

Har underteikna avtale om Havøy kommune

Sande og Herøy er eitt steg nærare å slå seg saman.

Musikalsk julebord på Sjøborg

I tre dagar inviterer Sjøborg kulturhus og Quality Hotel Ulstein til «musikalsk julebord» med Ulstein storband og lokale solistar.

Opna peparkakelandsby på sjukeheimen

Sjå bileteserie: På Hareid sjukeheim står det ein flott landsby.

Er denne mannen aktuell for Hødd?

Blir det retur til Høddvoll etter 20 år?

Slettevoll ser teikn til lysning

No ser seismikkreiar Ivar Slettevoll teikn til lysare tider.

– 2016 har vist sunnmøringen på sitt beste

Maritimt Forum Nordvest og Mafoss meiner at den maritime næringa også har eit tøft, men spanande, 2017 framføre seg.

– Ulsteinvik barneskule må byggjast på

Ulstein Venstre meiner kommunen må gjere noko.

No får du Personboka som e-bok

Mange har etterlyst den kjende og kjære Personboka 2000 for Hareid og Ulstein på digitale plattformer. Slik får du tilgang til Personboka i e-bok-format.

Steinar Lein vender heim

Flyttar tilbake til Haugesund etter tre sesongar i Hødd.