SANS - og samling

Om kjærleik og melankoli - og litt Frid & Glede.

Nynorske songtekstar med litterært tilsnitt, skapte av både verdskjende og lokale songskrivarar: SANS og samling opnar konsertåret i Ivar Aasen-tunet førstkomande onsdag.

SANS og samling er ein konsert av og med lokale musikarar, både frå ytre og indre Sunnmøre. Andreas Bjåstad, Odd Goksøyr og Ronald Øvrelid står bak dei fleste av dei omsette tekstane og dei sjølvkomponerte songane. I tillegg har dei med Tormod Engen, Svein Hunnes og duoen Frid & Glede på scena. Publikum kan gle seg til mellom anna å høyre klassikarane Danny Boy, Hallelujah og From a Distance.

Konserten byd på variert musikk, både eigenkomponert og omsette klassikarar. Publikum får høyre smakebitar frå framsyningane Amerikansk kjærleik på ny norsk, kyrkjekabareten Ei vandring i dine hagar og Cohen-programmet I filler av lys. Konserten blei framført første gong under Hareidsstemna sist haust.

Songane i SANS og samling innheld mykje kjærleik, gjerne med ein melankolsk grunntone. Med duoen Frid & Glede på scena samstundes, blir melankolien krydra med humor og sjølvlaga songar. Einfrid Grindheim og Ingfrid Grimstad frå Ulsteinvik utgjer duoen, som har vore ettertrakta i området dei siste åra.

I 2008 og 2009 framførte Andreas Bjåstad eigne tekstar i kyrkjekabareten Vår ferd i dine hagar til melodiar av mellom andre Odd Goksøyr. Bjåstad og Goksøyr, i samarbeid med mellom andre Øvrelid og Engen stod bak framsyninga Amerikansk kjærleik på ny norsk, kjærleikssongar sungne av kvinnelege amerikanske artistar i nynorsk språkdrakt. Dei same var òg med på Odd Goksøyr si Leonhard Cohen-framsyning I filler av lys nokre år tidlegare.

Blir lest no
 

Meir å lese på Vikebladet Vestposten:
 

Møtast for fyrste gong sidan 2010 (biletet). Kampstart klokka 15:00:

Hødd - Byåsen LIVE

- Det viktigaste målet i norskfaget er å bygge karakter. Les kommentaren:

Bygge karakter

Laurdagspraten med Oddbjørn Grimstad:

Oddbjørn ryddar seg ut av kontoret

Hødd-juniorane ute av cupen etter straffekonk mot Molde:

- Veldig surt

Reisa til verdseliten i friidrett byrja nok så tilfeldig:

Slik blei Karsten best

Hareid sikra seg tre viktige poeng:

Tok tre poeng mot Rollon

Vann på 400 meter hekk i lag-EM i Finland:

Karsten utklassa verdseliten - igjen