Då Furuholmen skrudde opp volumet:

Flø-kyrne i full gallopp

Flø-kyrne tok til galloppen då Magne Furuholmen skrudde opp volumet på verdas største mobile horn under "Go WithThe Flø" søndag.

Kunstivalen hadde fullklaff med vêret - og det vart billettert ca 450 bilar, som igjen tilseier at over 2000 personar var innom i løpet av dagen.

På grunn av kødanning på bygdevegen rakk ikkje alle tidsnok fram til å få med seg opningsstuntet med verdas største mobile horn.

Men kyrne i Eliasgarden på Flø fekk det med seg og tok til galloppen då a-ha-kjendis Magne Furuholmen skrudde opp volumet på musikken, som var ei blanding av klinkelydar får Kleven Mek, traktorvræl og ku-rauting.

Bonden i Eliasgarden fann det til slutt best å sleppe kyrne sine innatt i fjøsen.

Go With The Flø traff blink nok ein gong. Folk hygga seg med dei ulike aktivitetane - og ikkje minst ved matbodene nede ved hamna.

Der var det så mykje folk og lange køer at det vart dikta eit nytt ord: KØFLØ. Go With The Køflø.

Meir om kunstivalen i tysdagsavisa.

Blir lest no
 

Meir å lese på Vikebladet Vestposten: