Torsdag kveld spelte det norske U21-landslaget heimekamp mot Kasakhstan på Marienlyst i Drammen.
Hødd-spelar og hareidsdøl Fredrik Aursnes var i troppen til kampen, men blei sittande på benken i 90 minutt.
Norge tok leiinga tidleg ved Mohamed Elyounoussi, før Kasakhstan utlikna fem minutt etter pause. Norge sin målscorar fekk sjansen frå straffemerket, men klarte ikkje å overliste keeperen.
I staden var det Alexander Sørloth som avgjorde kampen til Norge sin fordel etter 69 minutt.
Det norske U21-landslaget har dermed to sigrar i EM-kvalifiseringa og reiser no til Sveits for bortekamp komande måndag.