Totalt stiller Hareid, Hasundgot, Hjørungavåg, Haddal og Hødd med 19 lag under årets Norway Cup.

Hareid

Alle Hareid sine seks lag stiller med 7ar-lag under årets Norway Cup.

Hareid sitt G13-lag i klasse M startar med kamp mot Ellingsrud IL sundag morgon klokka 10. Dei spelar også i gruppe med Future Star FC og med Frøya IL.

G14-laget til Hareid IL startar sundag ettermiddag med kamp mot Oppdal i klasse F, før turneringa held fram med kampar mot Palestinske PACES og norske Ready.

Hareid stiller med to lag i G15/16. I klasse E1 skal Hareid 1 opp mot Burfjord/Øksfjord og mot Charlottenlund SK, men opnar sundag mot Furuset Fotball.

I klasse E2 opnar Hareid 2 mot Årvoll sundag ettermiddag, før dei møter Austrheim og Vik i dei to siste kampane i gruppespelet.

På jentesida stiller Hareid med to lag. I klasse V skal J14-laget møte Eid, Kolbotn og Snøgg Fotball 2. Opningskampen går sundag mot Eid.

Dei eldste Hareid-jentene, som stiller i klasse U, J15/16 møter to norske lag i Tertnes og Trygg/Lade, men får også eksotisk motstand mot Rising Star frå Sør-Korea. Det er Hareid-jenetene sin opningskamp sundag klokka 12.

Hjørungavåg

Hjørungavåg IL stiller i år eitt G15/16-lag i klasse E. Hjørungavåg opnar med ein spanande kamp mot Felde TuS frå Tyskland sundag ettermiddag. Dei to andre laga i gruppa er Borgen IL og Søndre Land.

Hasundgot

Også Hasundgot stiller med eitt lag under årets Norway Cup. G14-laget til Hasundgot spelar i Klasse F og får heilnorsk motstand i den innleiiande pulja. I opningskampen blir det møte med Nesna IL, før Hasundgot møter Skjoldar og Løvenstad i dei to neste kampane.

Haddal

I år stiller Haddal med eit G14-lag og eit J15/16-lag.

Gutelaget stiller i Klasse F og opnar med kamp mot kinesisk motstand. Sundag møter Haddal Hangzhou Qimeng Football Club, før laget møter Kopervik og Minde i dei to neste kampane.

I Klasse U stiller Haddal J15/16 i gruppe med Sylling og Saltdalkameratene FK, medan laget møter Rommen SK frå Oslo i opningskampen.

Hødd

Med ti lag under årets Norway Cup er Hødd den største av dei lokale klubbane i turneringa.

Saman med 91 andre lag stiller Hødd 3mot3-lag for gutar 8 år.

I Klasse D - G13 stiller Hødd med niarlag. Sundag kveld opnar dei med kamp mot Rælingen 1, før dei neste puljekampane går mot Vestli IL og Skeid 1.

Hødd stiller 11ar-lag i Klasse C - G14. Der møter Hødd-gutane Bardufoss og Omegn, Skogsvåg IL og Manglerud Star i puljespelet.

G14-laget til Hødd stiller også med sjuarlag i Klasse F. Der blir det opningskamp mot Oppdal 2, før Hødd spelar mot Gossen IL og Løvenstad 2.

I G15/16 stiller Hødd eitt 11ar-lag i Klasse B. Her blir det kampar mot Borg IL, Ganddal IL og Gjølvik-Lyn 2.

Hødd stiller også to sjuarlag i G15/16. I klasse E1 møter Hødd 1 Future Star FC frå Palestina, i tillegg til Os TF og Kvaløya SK. For Hødd 2 blir det opningskamp mot Hafslo IL, før to kampar mot Bud IL og Rising Star frå Sør-Korea.

Hødd har med tre jentelag til Norway Cup 2016. I klasse T spelar Hødd sitt niarlag J13. Her får Hødd eit lokaloppgjer mot Aksla IL i andre kamp, etter å ha opna mot Fana Fotball. Pulja blir avslutta mot Lyn Fotball 2.

J14-laget til Hødd stiller med sjuarlag i Klasse V. Her blir det kampar mot Andebu IL, Skreia/Kapp IL og mot Fitjar IL.

J15/16-laget stiller med 11ar-lag i Klasse R. Hødd-jentene opnar med trøndersk motstand i Malvik IL, før det blir kampar mot Vestsiden-Askøy IL, Ready og til slutt mot Årka IL 2. To av dei fem laga i denne pulja går vidare til A-sluttspelet.

Send inn tips, tekst og foto

Med så mange lag, så mange spelarar i aksjon og så mange kampar i løpet av turneringa er det ikkje godt å ha oversikt over alt som hender. Difor set vi stor pris på om du vil dele dine opplevingar frå Norway Cup med oss. Vi tek gjerne imot både bilete, kampreferat og historier frå Ekebergsletta.

Tips, tekst og bilete kan sendast til sport@vikebladet.no