Emil Viddal i aksjon mot Larsnes/Gursken. 27-åringen har tidlegare spelt for Spjelkavik og Hødd, men skal no spele 4.-divisjon for Hareid. (Foto: Andreas Bjerknes. )

Emil Viddal i aksjon mot Larsnes/Gursken. 27-åringen har tidlegare spelt for Spjelkavik og Hødd, men skal no spele 4.-divisjon for Hareid. Foto: Andreas Bjerknes.

– Ein veldig god fotballspelar

Den tidlegare Hødd-spelaren Emil Viddal er klar for Hareid IL, som fredag sesongopnar heime mot Langevåg.

Fredag er det klart for første serierunde i årets 4.-divisjon på Sunnmøre. Etter divisjonsomlegginga før denne sesongen har det blitt eit spissa avdeling, med fire lag ned som spelte 3.-divisjon i 2016.

I serieopninga er det likevel eit lag Hareid møtte også sist sesong som tek turen til Hareidsmyrane. I serieopninga er det nemleg Langevåg som er motstandarar. Dei enda 2016-sesongen på ein 2.-plass i avdelinga og vann begge kampane mot Hareid då.

Ifølgje Kenneth Moldskred har Hareid ingen spesielle skadeproblem før serieopninga. Den einaste som sikkert manglar mot Langevåg er Håvard Øvrelid, og trenaren håpar skadesituasjonen skal halde seg positiv.

- Bank i bordet for det!, slår Moldskred fast.

I tillegg har laget fått inn ei sein forsterkning. Emil Viddal spelte for Spjelkavik sist sesong, men har også erfaring frå både Hødd og Lokomotiv Oslo. I utgangspunktet bør det vere svært positivt for Hareid, men Moldskred fortel at ein må ta det litt roleg med midtbanespelaren som spelte 45 minutt i generalprøven mot Larsnes/Gursken. Då vann Hareid 2-1. 

– Han kjem seint inn i eit lag som har spelt saman heile vinteren og har også spelt lite fotball i vinter.

Men dette er ei forsterkning?

– Definitivt! Emil er ein veldig god fotballspelar og han er litt eldre enn mange av dei vi har i troppen. Det er positivt å få inn han både fotballmessig og for utviklingsmiljøet i klubben, men også for å få større variasjon i persongalleriet i troppen, seier Moldskred.

Kjekkare når det står om poeng

Og med Viddal inn, samt Ruben-Kenneth Brandal tilbake etter skadene som heldt han ute sist haust, i tillegg til ein del spanande unge spelarar blir det interessant å sjå kor gode Hareid er når det skal kjempast om poeng.

– Eg forventar at vi står fram som eit ok fotballag som gjer alt ein kan for å vinne. Gjer vi det så vil ein konsekvens verte at vi blir betre utover i sesongen. Primærmålet vårt vil vere å halde oss i divisjonen, og det er mange som tippar oss langt nede på tabellen, men det gir oss store sjansar til å overprestere sett opp mot forventningane, seier Moldskred.

Med seriestarten like rundt hjørnet og eit av fjorårets topplag som motstandar i opninga kan ein endeleg sjå fram til seriefotball på Hareid.

– Det er litt kjekkare når ein får prøve ut det vi har trent på i kampar der det står om poeng, resultat og tabell. Med konkurranseelementet blir det også litt meir spanande, seier trenaren.

4.-divisjon Sunnmøre runde 1:

Godøy - Larsnes/Gursken

Volda - Skarbøvik

Hareid - Langevåg

Bergsøy - Hødd 2

Norborg - Emblem

Rollon - FK Sykkylven

Godøy og Larsnes/Gursken tjuvstartar med kamp torsdag, medan resten av kampane er sett opp fredag.

Meir å lese på Vikebladet Vestposten:
 
Blir lest no
 

NM: Hødd - Spjelkavik

4-1 siger over Spjelkavik

Hødd møtte Spjelkavik i første runde i fotball-NM.

Sjå kampen i opptak

Vikebladet Vestposten sendte direkte frå Høddvoll i samarbeid med Sunnmørsposten.

NM: Hødd - Spjelkavik:

Hødd greit vidare i cupen

Etter ein litt tam første omgang, viste Hødd Spjelkavik kven som er storebror dei siste førtifem.

Statleg tiltakspakke:

- For dårleg informasjon

– Eg synest det er vanskeleg å prioritere kva tiltak eg skal gå inn for, sa Jeanette Teigene (Frp) under møtet i Hareid formannskap måndag.

Sambandet Hareid - Sulesund:

Normal drift frå torsdag

NM: Hødd - Spjelkavik:

No håpar Amani på "ketsjupeffekten"

Trass i raudt kort på tampen, var Amani Mbedule nøgd med to mål mot Spjelkavik.

NM: Hødd - Spjelkavik:

Ønskjer seg eliteseriemotstand

Torbjørn Kallevåg fekk seg eit mål heilt på tampen mot Spjelkavik.

Ny klinikk i Ulsteinvik

Opnar på Stålhaugane 3. mai.

"Hjemmebane"-innspeling på Høddvoll torsdag:

Treng statistar til straffekonkurranse-scene

- Det blir ein veldig artig opptaksdag, seier "Hjemmebane"-produksjonsteamet.

Vestlandsmeister

Anny Våge Molvær vann slalåmkonkurransen under Vestlandsmeisterskap i alpin i Myrkdalen.

Politiet ønskjer fleire tips frå publikum:

Har ikkje funne bilen

Ein raud bil av merket Peugeot, som so vidt klarte å svinge unna ein lastebil i Haddal måndag, er framleis ikkje funnen.

Ulstein vart beste ungdomsskule

Mange flotte prestasjonar under finalane på Skulecupen i friidrett.

Fjord 1 kan vere verdt nesten 5 milliardar

Det meiner meklarhusa som står for tilrettelegginga av børsnoteringa av ferjeselskapet.