Ådne Andersen sprang inn på 1.53,89 på 800 meter under Bislett Games torsdag. Det er eit stykke bak hans personlege rekord på 1.52,11 (Foto: Andreas Steinnes Bjerknes)

Ådne Andersen sprang inn på 1.53,89 på 800 meter under Bislett Games torsdag. Det er eit stykke bak hans personlege rekord på 1.52,11 Foto: Andreas Steinnes Bjerknes

Bislett Games:

Eit stykke bak "persen"

Mot slutten gjekk det litt for raskt for Ådne Andersen under 800 meteren på Bislett. Toralv Opsal tangerte sin personlege rekord.

Ådne Andersen stod tidleg torsdag kveld på startstreken i det nasjonale forstemnet under Bislett Games i Oslo.

Andersen vann denne øvinga under NM i Ulsteinhallen tidlegare i vinter, men møtte sterk motstand på Bislett, mellom anna frå eit par løparar frå Sør-Afrika.

Dimna-løparen var fint med dei første 600 metrane, men ut på dei siste 200 gjekk det litt for raskt i feltet og Andersen tapte nokre plasseringar dei siste 100 metrane. Vinnartida til Rynhardt van Rensburg frå Sør-Afrika vart til slutt 1.48,98. Ådne Andersen kom i mål på 1.53,89 som er om lag halvanna sekund bak hans eigen personlege rekord.

Dimna IL hadde også med ein annan løpar under forøvingane. Mangekjemparen Toralv Opsal var i aksjon på 400 meter, og leverte eit temmeleg bra løp på Bislett. Opsal tangerte sin personlege rekord på 48,93. Det heldt til ein femteplass i løpet.

Karsten Warholm er den tredje Dimna-utøvaren som skal i sving torsdag. Han skal i aksjon under Diamond League-stemnet.

Toralv Opsal tangerte sin personlege rekord med 48,93 på 400 meter under forøvingane til Bislett Games.

Toralv Opsal tangerte sin personlege rekord med 48,93 på 400 meter under forøvingane til Bislett Games.

Blir lest no
 

Meir å lese på Vikebladet Vestposten:
 

Kanskje kan det gå ein autonom båt inn til Ulsteinvik?

Rorbuer og bustader på Lyngneset

Hareid og Ulstein skal samarbeide om brannvern

Signerte kontrakten

Steinar Reiten, KrF om Runde Miljøsenter og maritim industri

-Bør samarbeide tettare