Ose sprang inn til knalltid

Stortalentet Jonas André Ose (15) vann 100 meter på overtydande vis - og på ei knallsterk tid.

Jonas André Ose, her med medaljen frå sigeren sin på 100 meter under Tyrvingleikane, imponerte med tida 11,15 i medvind. Diverre var nivået på medvinden akkurat for stort til at tida hans blei godkjent som ny aldersrekord for 15-åringar. Foto: Dimna IL.

- Ei kanontid, kommenterer klubbtrenar Arve Hatløy til Vikebladet Vestposten.

Tida til Ose blei på enormt sterke 11,15. Diverre for Jonas André fekk han ikkje godkjent tida som ny aldersrekord for 15-åringar på distansen fordi han hadde 2,4 sekundmeter medvind under løpet.

Planen var også å delta på 200 meter, men den måtte ungguten diverre stå over.

- Han var litt sjuk i helga, så han måtte droppe 200 meter. Men han leverte ei knalltid på 100 meter, og eg meiner han har all grunn til å vere nøgd med prestasjonen sin, seier Hatløy.