* Hareid sin heimekamp i dag mot Emblem har blitt flytta frå Hareid stadion til Hareidsmyrane stadion. Grunnen er at det var overvatn på graset onsdag morgon. Emblem ligg på andreplass i 4.-divisjon og blir heilt sikkert ei tøff utfordring for Hareid, som må klare seg utan mellom anna Øyvind Hagen i dag. Han har meldt overgang tilbake til Varegg i Bergen. Hareid har forresten god statistikk på heimebane i år; 3-3-0, men merk at alle heimekampane før denne har blitt spelt på gras.
* Hasundgot møter også tøff motstand i dag, når dei har bortekamp mot Hovdebygda. Det er Vigra og Stordal som ligg på dei to opprykksplassane i 5.-divisjon, men Hovdebygda får heng om dei slår Hasundgot i kveld. Det viktigaste for Hasundgot er truleg uansett å riste av seg skuffelsen frå sist veke. Då tapte dei 10-0 på Vigra.