Den mangeårige kapteinen for Hødds damelag, Ragnhild Ertesvåg, signerte i sommar for Bergens-laget Sandviken. Søndag føremiddag fekk ho sin aller første kamp, for b-laget i 2.-divisjon, mot Hinna.
Gjestene på Stemmemyren kunstgress tok leiinga etter at Sandviken scora sjølvmål etter dryge ti minutt, men Ertesvåg og Sandviken slo tilbake og berga 2-2. Ex-høddar Marha Helvig scora Hinna sitt andre mål.
Ertesvåg spelte heile kampen i ei fri rolle på midtbanen.
- Litt sliknad på tempo og duellstyrke i forhold til Hødd. Eg merka at tempoet kjem, og det går bedre og bedre, seier Ertesvåg, som også hausta ein del ros.
Sandviken II ligg på nest sisteplass i 2.-divisjon, medan førstelaget toppar 1.-divisjon med klar margin.