Då Sellin var Hødd-spelar hausten 2012 var han lånt ut frå Aalesund. Etter det suksessrike låneopphaldet var trønderen aktuell for fleire klubbar. Han enda opp i Sandefjord. Fjorårssesongen var verken han eller laget fantastiske. Men i år har dei verkeleg slått til under leiing av tidlegare landslagsspelar Lars Bohinen.
Søndag vann Sandefjord 3-0 heime mot Alta. Då stod Sellin for ei målgjevande heading. Dersom Fredrikstad slo Ranheim i går ville Sandefjord rykkje opp. Det gjekk, så vidt båten bar. Håvard Åsheim sende Fredrikstad i leiinga på overtid. Like etter bomma Ranheim på straffespark, slik kampen enda 1-0.
"Sandefjord Fotball i Tippeligaen 2015! Kvelden blir lang og jæ**lig! Skål!" skreiv Kjell Rune Sellin på Twitter i går kveld.
Han har scora 13 mål for "kvalfangarane" i år.
Det er fire rundar igjen i 1.-divisjon. Tromsø ser per no ut til å slå følgje med Sandefjord til Tippeligaen.