Christoffer Aasbak har signert ei toårskontrakt med Hødd.
Forsvarsspelaren har spelt i Byåsen sidan 2012 og imponerte i 2014, mellom anna med fire mål og 20 målgjevande pasningar.
Aasbak trente med Hødd for to veker sidan, og viste mellom anna fram ein god pasningsfot.
– Vi har følgt med Christoffer og sett han i aksjon for Byåsen, og etter opphaldet han hadde med oss for eit par veker sidan fekk vi bekrefta at dette er ein spelar som vil passe godt inn i Hødd-miljøet. Han kan dekkje fleire posisjonar og har eit veldig spennande potensial som vi trur vil blomstre her i Hødd. Vi er veldig godt fornøgd med at Christoffer valde Hødd og Ulsteinvik, seier André Nevstad til Hødd sine nettsider.
Aasbak fortel også til Hodd.no at han ser fram til å kome i gang i Ulsteinvik.
– Eg fekk eit veldig godt inntrykk av både Hødd og Ulsteinvik då eg var på besøk tidlegare i januar. Både treningsfasilitetane, det sportslege opplegget og støtteapparatet rundt laget ser veldig bra ut. Spesielt blir det også med Nye Høddvoll, som blir ein kjempeflott stadion som vi alle gler oss til å ta i bruk den komande sesongen. Eg ser veldig fram til å bli ein del av denne klubben, seier Aasbak.
Vi kjem tilbake med meir.