Det norske U21-landslaget skal spele EM-kvalifisering mot Bosna Herzegovina på Marienlyst stadion 13. juni. Ein av spelarane som er teken ut i 20-mannstroppen er Hødd-spelar Fredrik Aursnes.

Tre dagar seinare er han også med når det norske U21-landslaget spelar privatlandskamp mot Austerrike på AKA Arena. Men før dei to landskampane skal Hødd spele heime mot Kristiansund og borte mot Ranheim.

Seinare skal det norske U21-landslaget møte både England, Sveits og Kasakhstan.

Aursnes er ein av fire 1.-divisjonsspelarar som er teken ut. Dei tre andre er Jonas Grønner (Brann), Petter Strand (Sogndal) og Bjørn Inge Utvik (Sogndal).

I dag vart det også klart at tre tidlegare Hødd-spelarar er tekne ut i Per-Matthias Høgmø sin tropp til kampane mot Sverige og Aserbajdsjan 8. og 12. juni. Pål André Helland (RBK), Adame Diomande (Stabæk) og Ørjan Nyland (Molde) er alle i troppen. Både Helland og Diomande kan få sine første landskampar for Norge.

Heile troppen:

Per Kristian Bråtveit - Haugesund   Sondre Løvseth Rossbach - OddFredrik Aursnes - Hødd    Veton Berisha - VikingMohamed Elyounoussi - MoldeBård Finne - KölnIver Fossum - Strømsgodset Thomas Grøgaard - OddJonas Grønner - Brann Kristoffer Haraldseid - HaugesundUlrik Yttergård Jensen - LyonBirger Meling - StabækMartin Rønning Ovenstad - Strømsgodset Ole Selnæs - RosenborgPetter Strand - SogndalSander Svendsen - Molde              Morten Thorsby - HeerenveenAnders Trondsen - Sarpsborg 08Bjørn Inge Utvik - SogndalGhayas Zahid - Vålerenga