Måndag 6. september syng " Svartehavets Don Kosakk Kor" i Herøy kyrkje. Dei som opplevde dette koret i Hareidskyrkja for om lag eitt år sidan kan love ei stor oppleving.
Endret: 02.09.2010 kl. 10:37
Koret, som tel åtte menn, er ei sidegrein av det profesjonelle radiokoret i den bulgarske hovudstaden Sofia. Koret har i 30 år synt fram mangfaldet i den russisk-ortodokse songskatten og folkemusikken frå sitt eige land for entusiastiske tilhøyrarar i kyrkjer og konsertsalar over heile Europa.
- Før kvar turné vert det handplukka ein oktett av koret sine 25 medlemmer, alle skolerte ved bulgarske og russiske musikkonservatorium, og desse eineståande solistane øver slik at dei saman vert eit einskapleg og fengslande ensemble.
Eit enormt volum og overlegen teknikk gjev songen deira stor uttrykksfylde med mange nyansar og ein svært spesiell klang: dei djupaste bassane i samklang med krystallklare tenorar. Når dei går frå det reinaste piano til fantastisk forte, kombinerer songarane ei stigande spenning med ei kjensle av ein djupt meditativ karakter.
- Dei ortodokse hymnene og dei slaviske melodiane vert også eit økumenisk symbol: som ambassadørar for det fjerne heimlandet sitt, gjer Svartehavets Don Kosakk Kor tradisjonell russisk musikk tilgjengeleg for vesteuropeiske tilhøyrarar.
- Der Svartehavets Don Kosakk Kor opptrer, trollbind dei publikum med sin friske musikalitet og sine unike røyster, opplyser kantor i Herøy, Terje Tjervåg.
