I Vikebladet Vestposten sitt seriestartmagasin spekulerte vi i kor vidt Hødd ville ha ein litt for låg "UEFA-klubbkoeffisient" til å bli seeda når dei 18. og 25. juli skal spele 2. kvalifiseringsrunde i Europa-ligaen.

Ferske tal frå nettsidene Kassiessa og Wikipedia viser at Hødd ikkje er i nærleiken av å bli seeda. Ein UEFA-klubbkoeffisient på 2.835 er ein av dei lågaste av laga som skal spele 2. kvalifiseringsrunde.

Det betyr at Hødd kan møte storlag som Røde Stjerne (Sebia), Rubin Kazan (Russland), Standard Liege (Belgia), Hapoel Tel Aviv (Isreal) og IFK Göteborg (Sverige) i 2. kvalifiseringsrunde.

Røde Stjerne vann serievinnarcupen (no kalla Champions League) i 1991 og er truleg det mest meritterte laget Hødd kan møte. IFK Göteborg vann UEFA-cupen (no kalla Europa-ligaen) både i 1982 og 1987.

Det svakast rangerte laget Hødd kan bli trekt kan bli Pandurii Târgu Jiu frå Romania.

Også Rosenborg og Tromsø blir seeda dersom dei kjem seg vidare frå 1. kvalifiseringsrunde, ifølgje Kassiessa og Wikipedia. Strømsgodset går i likskap med Hødd inn i 2. kvalifiseringsrunde som useeda.

24. juni blir både 1. og 2. kvalifiseringsrunde trekte. Det vil seie at Hødd får vite kva kamp dei møter vinnaren av.

Alle laga som blir eller ser ut til å bli seeda i 2. kvalifiseringsrunde:

* Rubin Kazan, Russland* Standard Liege, Belgia* Hapoel Tel Aviv, Isreal* Lag nummer to i den tsjekkiske ligaen (ser ut til å bli Sparta Praha éinrunde før slutt)* Lech Poznan, Polen* Trabzonspor, Tyrkia* AaB, Danmark* Anorthosis, Kypros* Utrecht, Nederland* Maccabi Haifi, Isreal* Omonia, Kypros* Chornomerets Odesa, Ukraina* Debrecen, Ungarn* Hajduk Split, Kroatia* Røde Stjerne (Crvena Zvezda), Serbia* Slovan Liberic, Slovenia* Lag nummer fem i den sveitsiske ligaen (ligg an til å bli Thun éin runde førslutt)* Slask Wroclaw, Polen* Lag nummer fire i den greske ligaen* Shakhtyor Salihorsk, Kviterussland* IFK Göteborg, Sverige* Sturm Graz, Austerrike* Rijeka, Kroatia* FC Minsk, Kviterussland* Vinnaren av den rumensk cupfinalen* Pandurii Târgu Jiu, RomaniaI tillegg kjem lag som går vidare frå 1. kvalifiseringsrunde.