William scora fire av måla då Hareid vann 6-3 mot Bardu søndag. Måndag føremiddag fann han nettmaskene tre gonger då Sogndal vart slått 5-0. Det betyr at Hareid er klare for a-sluttspelet i denne klassen. Tysdagens gruppespelkamp mot Gimse United bestemmer kven som tek førsteplassen i gruppa.

- Eg er godt i gang med turneringa, smilte William Valde Bigset då vi møtte han etter 5-0-sigeren mot Sogndal.

- Er det tilfeldig at du har scora så mange mål?

- Nei, seier William kjapt.

Vil til finalen

No er målet å bidra til at Hareid G14 går heilt til finalen, fortel storscoraren vidare. Aldri før har eit Hareid-lag nådd finalen i Norway Cup, vel å merke i a-sluttspelet.

- Men vi har ikkje møtt så god motstand hittil, meiner William Valde Bigset.

Berre éin innbytar

Skal det bli suksess vidare i turneringa må i alle fall Hareid G14-spelarane unngå skadar og karanternar. For dei har berre éin spelar på innbytarbenken.

- Vi er eigentleg sju spelarar, men så fekk vi lånt inn ein spelar til Norway Cup, fortel William.

PS. Mot Bardu stod Martinus Almli for Hareid sine to andre scoringar. Mot Sogndal scora Adrian Røren eitt, medan 4-0 var eit sjølvmål.