Meteorologisk institutt har sendt ut OBS-varsel, då det torsdag og fredag er venta mykje vind og kraftig regn på Nordvestlandet.
- Torsdag ettermiddag aukar vinden til sørvest liten storm 22 m/s utsette stadar, periodevis full storm 25 m/s på kysten. Frå torsdag ettermiddag til og med fredag kveld er det venta lokalt mykje nedbør. Det kan lokalt kome 70-120 mm i løpet av 36 timar, og det blir mest nedbør på Sunnmøre, skriv Meteorologisk institutt på sine nettsider.