Syndig gode ostekaker med smak av lakris og rabarbra er eit nytt tilskot i ostekake-samlinga mi. Den litt skarpe lakrissmaken fungerer supert saman med søt og syrleg rabarbra og søte kjeks.
Ostekake er passe frisk og krema dessertkake om sumaren, og saman med sesongens bær eller frukter blir det garantert suksess. Rabarbra er i sesong no og passar perfekt som syrleg tilbehøyr til ostekaker. Sirupen kan i tillegg brukast over pavlova eller annan dessert, så vel som topping på frukost-yoghurten.
Ingrediensar til 6 stk.:
Rabarbra-sirup:
320 g ra barbra
190 g sukker
2 ¾ dl vatn
½ vaniljestong
sitrons aft
Ostekaker:
150 g Digestive-kjeks
2 ts. sukker
2 ½ ss smør
200 g kremost, naturell
60 g sukker
1 ½ ts. rålakrispulver (gjerne Johan Bülow raw lakris)
1 stort egg
1 ss seterrømme
1 ts. vaniljesukker
1 ts. sitronsaft
jordbær/eller andre ferske bær, til servering
Lag rabarbra-sirup på førehand slik den rekk å bli kald. Del opp i bitar på 3 cm og ha i ein kjele saman med sukker, vatn og nokre dropar sitronsaft (eg brukte ca. 2–3 ts.). Del vaniljestonga på langs og skrap ut frøa. Ha det i kjelen saman med resten og kok opp. Lat småputre på lav varme i ca. 25 minutt. Då skal safta som dannar seg ha tjukna litt. Hell det gjennom ei sil eller eit klede og sil av all væska ned i ein bolle. Lat det stå slik og renne av litt før du heller på flaske. Oppbevar i kjøleskap.
Forvarm steikeomnen til 180 ºC. Finn fram 6 stk. kake/dessert-ringar (utan botn) på 7 cm i diameter og set dei på eit steikebrett med bakepapir. Eventuelt kan du også bruke muffinsformer og setje i eit muffinsbrett.
Ha kjeks og sukker i ein lukka pose og bruk kjevla til å knuse det til fine smular. Ha i smelta smør og bland godt. Fordel blandinga i kakeringane og bruk ei lita skei til å trykke blandinga godt ned i ringane slik du får jamn overflate. Set midt i omnen og forsteik i 5 minutt. Avkjøl. Skru ned omns-temperaturen til 150 ºC. Lag ostefyllet ved å ha kremost og sukker i ein bolle og køyr det mjukt og luftig med handmiksar i ca. 1 -2 minutt. Ha i lakrispulver og egg og bland godt. Tilset rømme, sitronsaft og vaniljesukker og bland vidare. Fordel fyllet over dei avkjølte botnane. Set brettet tilbake i omnen og lat steike i ca. 20–25 minutt, alt etter omnen din. Dei er ferdige når overflata har stivna men fyllet dissar lett når du beveger på formene. Avkjøl litt før du set dei i kjøleskapet til neste dag.
Bruk ein skarp og smal kniv og skjær forsiktig langs kanten på kakeringane for å losne ostekakene. Kakk forsiktig ut på serveringsfat. Server med masse ferske jordbær og hell over rabarbra-sirup rett før servering.