Hareid formannskap vedtok i siste møte å gi Fjord1 dispensasjon til å servere mat frå det nye tiltaket Ferdamat Kafè i Trafikkterminalen frå klokka 05.30 om morgonen.
I forskriftene for serveringsstader i kommunen er maksimal opningstid frå kl 06.00 til 23.00. Grunnen til dispensasjonen er å gi tidleg reisande høve til å kjøpe seg kaffi, frukost eller lunsj.
Trafikkterminalen på Hareid er under ombygging, og i følgje ordførar Anders Riise vil kafeteriaen opne i tidsromet august-september.
Ferdamat Kafè skal servere eigenproduserte varme og kalde rettar - i tillegg til å selje naturleg tilhøyrande kioskvarer.
Trine Kleppe Liavåg blir dagleg leiar. Ho har også avlagt og bestått etablerarprøva.