Sterke band mellom songarbrør

Då songarvenen vart innlagt på sjukehuset, tok tre av kameratane hans laust frå Hareid til Runde og tok seg av slåttonna på garden hans.

TAKK: Inge Grimstad, var saman med kona Eldfrid og broren Arne, heidersgjestar under ein kammerkonsert Sunnmøre kristelege mannskor heldt på Hadartun i samband med at dei gjesta distriktet vårt sist helg.  Foto: Jorulf Myrene

Kultur

Det er over 60 år sidan, men Svein Eiksund gløymer aldri då Johan H. Grimstad og brørne Inge og Kjartan Grimstad kom ut på Runde for å hjelpe til med slåttonna.

– Far min, Ola, vart innlagt på sjukehus med noko dei trudde var ein alvorleg sjukdom. Då kom dei tre songarbrørne frå Sunnmøre kristelege mannskor og var hos oss ei heil veke for å hjelpe til. To av dei hadde gard sjølve, men det stoppa dei ikkje, seier Svein som var 12 år den gongen.