«Red Army Ulsteinvik»

Samlar seg for United

Det skjedde i dei dagar, i byrjinga av desember medan Mourinho framleis var trenar for Manchester United, at Jon Erik Ertesvåg fann ut at han ville starte ein lokal supporterklubb for «The Red Devils».

Spenning: Tottenham hadde ein del gode sjansar då dei møtte Manchester United søndag, noko som gjorde opplevinga ekstra spannande for medlemmene i «Red Army Ulsteinvik» som hadde samla seg på Brygga Sportsbar for å sjå kampen i lag. Det vart likevel Manchester United som vann kampen.   Foto: Ole-Ottar Høgstavoll

Kultur

Jon Erik Ertesvåg har vore ihuga tilhengar av Manchester United heilt sidan han i barneåra vart innmeldt i supporterklubben av onkel Vinjar Vikanes.

– Sidan har eg halde meg til denne klubben. Det er ein klubb med ei spennande historie. Manchester United har hatt ei rekkje store personlegdomar som til dømes Ryan Giggs, Paul Scholes og David Beckham frå «Class of 92», forklarer Ertesvåg.