Rette svar og namn på vinnarar

Her vil du etter kvart finne finne rett svar og namn på vinnar i dei ulike lukene i Vikebladet Vestposten sin adventskalender.

Karin Svendsen Holstad driv Circle K på Hareid.  Foto: Linda Eikrem

Kultur

Luke 12

Stemma bak luka 12. desember er tydelegvis kjent for mange, for det kom veldig mange svar.

Nokre foreslo Britt Janne Brandal og Trine Angelsen, men det rette namnet er sjølvsagt Karin Svendsen Holstad- også kjent som "Statoil-Karin" og "Bitten". Holstad driv bensinstasjonen Circle K på Hareid.

Mellom alle dei med rett svar, vart Elise Elvebu frå Hareid trekt ut som vinnar. Gratulerer!

Premien for 12.desember er ei HydroFlask frå Intersport i Ulsteinvik.

Her kan du lese meir om Karin Svendsen Holstad:


Turistkontor på Hareid

– Ein god start



Circle K ber inn til fest

– Eg ser berre fordelar, kommenterer Karin Svendsen Holstad om omlegginga av stasjonen frå Statoil til Circle K.

 

Luke 11

Det hagla ikkje akkurat inn med svar på utfordringa 11. desember: oppteljinga viser rundt tjue rette svar.

Namn som Endre Johan Ose, Øyvind Amdam, Svein Arne Orvik og Ottar Grimstad vart foreslått- men vi noterer berre Verner Larsen som korrekt svar. Han er kommunedirektør (tidlegare rådmann) i Ulstein kommune.

Kjønnsnøytralt: Ulstein kommunestyre har vedteke at Verner Larsen frå no av skal titulere seg som kommunedirektør. Dette er i tråd med innstillinga frå dåverande rådmann Verner Larsen.  Foto: Jorulf Myrene

 

Mellom dei med rett svar, vart Stian Lehmann Scheide i Ulsteinvik trekt ut som vinnar. Vi gratulerer!

Premien for 11.desember er to badebillettar til Ulsteinbadet.

Her kan du lese meir om Verner Larsen:






Luke 10

Stemma i videoen 10.desember viste seg å vere ei utfordring.

Det var fleire som foreslo Erika Skarbø og Birgitte Lovise Urke, men det rette svaret var Aurora Dimmen Bratli.

Ho er lærarstudent på Høgskulen i Volda, sit i Ulstein kommunestyre for Arbeidarpartiet og ho er involvert i prosjektet «Ung arena på Ulstein Arena».

  Foto: Linda Eikrem

Mellom dei som svarte rett, vart Karoline Skeide Gundersby i Oslo trekt ut som vinnar. Vi gratulerer!

Premien er eit gåvekort frå Amfi i Ulsteinvik.

Her kan du lese meir om Aurora Dimmen Bratli:





Luke 9

Det kom fleire tital svar 9. desember, og svara var nesten utan unnatak rette.

Det var sjølvsagt brannsjef i Hareid og Ulstein, Olav Helt Brubakk, som skjulte seg bak luke 9.

Olav Helt Brubakk er brannsjef i Hareid og Ulstein.  Foto: Linda Eikrem

Karen Strand i Ulsteinvik er trekt ut som vinnar. Vi gratulerer!

Premien for 9.desember er ei gåvepakning frå Wella, gitt av Top Fix på Hareid.

Her kan du lese meir om brannsjef Brubakk:


Laurdagspraten:

Helt sjef

Olav Helt Brubakk tok frå nyttår av til i stillinga som 100 % brannsjef for Hareid og Ulstein.



Branntilsyn i Selvågtunnelen:

– Dette er rett og slett ikkje bra nok



– Naudnettet i Ulsteinvik er for dårleg og ustabilt

Brannsjef i Hareid og Ulstein, Olav Helt Brubakk, fortvilar over at naudnettet er dårleg og ikkje til å stole på i Ulsteinvik sentrum.


Luke 8

Oppgåva 8. desember baud ikkje på store problem, skal vi tolke talet på svar og ikkje minst talet på rette svar.

Dei aller fleste høyrde at det var André Nevstad som prata om julemiddagen sin og også avslørte at han må ha ketchup til ribba.

Andre forslag var Knut Erik Engh, Leidulv Grimstad og Leiv Bjørndal.

Nevstad er nok mest kjend som spelar og tilsett i Hødd, men jobbar no i Sparebanken Møre.

André Nevstad  Foto: Andreas Steinnes Bjerknes

Mellom dei svært mange med rett svar, har vi trekt ut Oddveig Randi Håbakk frå Hareid som vinnar. Gratulerer!

Premien for 8. desember er ei pute med julemotiv frå Laila Tekstil & Interiør i Ulsteinvik.

Her kan du lese meir om André Nevstad:





Luke 7

Laurdag 7. desember hagla det inn på svar på konkurransen- og dei aller fleste hadde rett. "Eg trengde ikkjs sjå filmen eingong, golvet og skona fiksa biffen", skriv ein av dei som sende rett svar.

Det kom forslag om både Johannes Alme, Kristian Fuglseth, Einar Vik Arset og Harald H. Rise- men det rette svaret var sjølvsagt Johannes Christian Riise, mest kjent som Johs Riise. Han driv butikken T. Riise på Hareid.

Johs Riise (arkivbilde)  Foto: Ole-Ottar Høgstavoll

Mellom dei mange med rett svar, har vi trekt ut Ernst Bigset frå Hareid som vinnar. Gratulerer!

Premien for 7.desember er ei Bystrikk-bok frå Trådkråa på Hareid.

Her kan du lese meir om Johs Riise:




Laurdagspraten

Med kjøpmannsblod i årene

Johs. Riise har lagt bak seg ei travel veke med oppussing av butikken og nyopning for å feire at det er 20 år sidan T. Riise flytta inn i «nyhuset».


Luke 6

Dei aller fleste klarte å høyre kven som snakka i luka for 6. desember.

Det kom rett nok fleire forslag om Ann Lisbeth Giske Flem, og nokre meinte stemma tilhøyrde Line Urke, Trine Leine eller Barbro Landmark.

Det rette svaret var Greta Overvåg, som driv klebutikken Overvåg i Ulsteinvik.

I fjor feira Overvåg-butikken seksti år. Ragnhild Overvåg, dotterdottera Beate og dottera Greta er alle kremmarar, og no er det tredje generasjon som snart tek over butikken.   Foto: Arkivfoto. Ole-Ottar Høgstavoll

Mellom dei med rett svar, er Linda Longva i Ulsteinvik trekt ut som vinnar. Gratulerer!

Premien for 6. desember ei gåvepakning til herre frå Skin Tonic på Blåhuset i Ulsteinvik.

Her kan du lese meir om Greta Overvåg:


Overvåg feirar 60-årsjubileum torsdag, fredag og laurdag denne veka:

Handel i tre generasjonar Overvåg

6. november 1958 starta Ragnhild og Ingolf Overvåg det som i dag er ein av Norges mest lønsame klesbutikkar. Overvåg har vore ein del av Ulsteinvik si historie dei siste 60 åra, og gjer det framleis godt.



Grethe-Karin Moldskred samlar inn pengar til Barnekreftforeninga i Møre og Romsdal:

– Eg er rørt til tårer

På kort tid har Grethe-Karin Moldskred samla inn nærare 100.000 kroner til Barnekreftforeninga i fylket. Dei skal barnebarnet Siri-Lill overrekke under julelunsjen på Color Line Stadion 2. desember.



Luke 5

Det tikka inn veldig mange svar på stemma 5.desember.

Dei aller fleste gjetta rett, men det var nokre som foreslo Odd Arne Vikebakk, Hans Gisle Holstad, André Røyseth, Olav Flø og Einar Magne Skeide.

Det rette svaret var Knut Erik Engh, som er ordførar i Ulstein. Etter lokalvalet i haust starta han på sin andre periode som ordførar.

Knut Erik Engh, ordførar i Ulstein 

"Eg såg på føtene kven det var", skriv ein av konkurransedeltakarane til oss.

Mellom dei mange med rett svar, vart Margrethe Longva frå Hareid trekt ut som vinnar.

Premien er ein poleringsvask hos Circle K på Hareid. Gratulerer!

Her kan du lese meir om Knut Erik Engh:


Vi møtte attvald Ulstein-ordførar Knut Erik Engh (Frp):

– Det var veldig godt å få bekrefta at det vi har gjort har vore bra


Luke 4

Stemma bak luke 4 var det ikkje så veldig mange som klarte.

Det mangla ikkje på forslag: Kjersti Kleven? Marita Skorgen? Lisa Mari Breivik Anderson? Marianne Breivik?

Det var ingen av dei, for det rette svaret er Sigrid Jønsson, som driv Trådkråa på Hareid.

Sigrid Jønsson Trådkråa Hareid.  Foto: Ole-Ottar Høgstavoll

Mellom dei som svarte rett, vart Hege Tretnes frå Hareid trekt ut som vinnar. Vi gratulerer!

Premien er ei nissejente med lyslykt frå Nordlys Design i Ulsteinvik.

Her kan du lese meir om Sigrid Jønsson:


Har bestilt inn produkt til ein ny generasjon strikkarar - og oppmodar til meir lokal handel:

- Eg måtte gjere noko i høve konkurransen frå nettbutikkane



Miljøgateprosjektet på Hareid er over tre månader på overtid – butikkane blir tidvis sperra inne:

– Føler kommunen fråskriv seg alt ansvar



Mange vil strikke Brandalskofta:

Oppdaga koftemønsteret heilt tilfeldig

Oppskrifta er femti år gamal. Nyleg dukka koftemønsteret «Brandal» opp igjen.


Her finn du oppgåva for 5. desember.


Luke 3

Responsen var overveldande- og dei aller fleste av dei meir enn 100 svara, hadde heilt rett.

Nokre foreslo Alv Ottar Folkestad og Arne Runar Vik, men mannen bak stemma i videoen var sjølvsagt Odd Kåre Wiik.

Wiik er avdelingsleiar for drift og anlegg i Ulstein kommune, og er kjend for å vere eit muntrasjonsråd på kommunehuset.

  Foto: Linda Eikrem

Mellom alle dei rette svara, vart Marta Tveit Meinseth i Ulsteinvik trekt ut som vinnar. Ho fortel at ho med ein gong høyrde at det var Odd Kåre som snakka.

Premien er eit gåvekort frå T.Riise på Hareid.

Her kan du lese meir om Odd Kåre Wiik:





Luke 2

Personen bak luke 2 var tydelegvis ei lita nøtt, for det var ikkje så mange lesarar som torde å foreslå eit namn.

Vedkomande fortalde at ho har adoptert norske juletradisjonar og julemat, men at familien også feirar katolsk jul.

Det kom forslag om Nataliya Overå, Anne Liandri, Nadia Demirova, Zari Demirova og Hannelore Måseide. Det var ingen av dei.

Det rette svaret var Vedrana Terzic. Tidleg i år vart ho tilsett som prosjektleiar for «Ung arena på Ulstein Arena», som er eit samarbeid mellom Frivilligsentralen, Ungdomsklubben Bell og Ulstein bibliotek – og som rettar seg mot ungdom i alderen 13–18 år. Veldig mange kjenner henne også frå handballmiljøet i Hødd.

Vedrana Terzic var stemma i luke 2 i adventskalenderen.  Foto: Arkivfoto: Ole-Ottar Høgstavoll

Mellom dei som sende rett svar, vart Sol-Gitte Moldskred Veiseth frå Haddal trekt ut som vinnar.

Ho får eit Staalnacke-handkle frå Fargerike på Hareid. Gratulerer!

Her kan du lese meir om Vedrana Terzic:




Hødd Handball har no sitt eige ungdomsråd:

Ønskjer å bidra til auka aktivitet og mindre fråfall


Luke 1

Det mangla ikkje på forslag og engasjement då Vikebladet Vestposten la ut luke 1 i adventskalenderen søndag 1. desember.

Fram til julaftan legg vi kvar dag ut ein liten video, der lesarane skal gjette kven som pratar om julematen sin.

I den første luka var det ei djup mannsrøyst som snakka, og det kom ei rekkje forslag:

Kunne det vere Ragnar Thorseth, Svein Rødset, Roger Brudevoll, Per Oddvar Hildre, Anders Riise eller Torgeir Hauge?

Det var ingen av dei, for- som dei aller fleste gjetta- var Bernt Brandal det rette svaret. Han tok over som ordførar i Hareid no i haust.

Bernt Brandal frå Folkelista er ordførar i Hareid. Han var svaret på luke 1 adventskalenderen frå Vikebladet.Vestposten.  Foto: Linda Eikrem

Mellom dei med rett svar, vart Arve Johannes Grimstad frå Brandal trekt ut som vinnar.

Han får eit gåvekort på Blåhuset i Ulsteinvik.

Vi gratulerer!

Og her kan du lese meir om Bernt Brandal:






Opna julegåva frå innbyggjarane i Hareid

Mange hundre hadde møtt fram for å få med seg at Miljøgata på Hareid vart opna og at julegrana på Lóket vart tent fredag kveld.