Korsongarar: I år er det berre digital korsong under 17.-maifeiringa i Hareid. Kanskje inspirert av fotoet av korsongarane Kåre Holstad og Tolleif Mork, som stod på trykk i denne spelten for eit par veker sidan, har Johan Anthi lånt ut dette fotoet av Hareid kristelege mannskor. Under fotoet står årstala «1943 – 1953», så bildet er truleg teke i 1953. Men i følgje boka «Korsongen på Sunnmøre 1900-2000» av Johan H. Grimstad heldt koret det gåande i nærare 50 år. Her står songarane fint oppstilte i Hareid kyrkje, og blant den litt eldre garde i Hareid er det nok mange som dreg kjensel på desse andleta. Bak frå v: Jon A. Bjåstad, Asbjørn Gjerde, Lars Holstad, Einar Grimstad, Nils Holstad, Einar Frøysa, Rasmus Holstad, Peder Bjåstad og Einar Gjerde. I midten f.v. (i sikk-sakk): Inge Grimstad, Kjartan Grimstad, Arnulf Nevstad, Endre Skeide, Sigurd Korsnes, Kåre Sæverud, Lars S. Bjåstad, Otto Hernes, Olav Brubakk, Skjalg M. Holstad, Karl Røyset, Lars E Bjåstad, Rasmus Grimstad og Arne Brubakk. Framme f.v.: Knut Holstad, Oddmund Nevstad, Endre Hareide, Hans J. Holstad, Guttorm Hareide (dir.), Asbjørn Grimstad, Andreas Varhaug, Alf O. Grimstad og Leiv Havåg. Lengst teneste som dirigentar for koret hadde Guttorm Hareide og Lidvar Grimstad. ANNE GRY EILERTSEN