Direkteoverføring frå Operaen

Laurdag 22. desember er det direkteoverføring frå framsyninga av Nøtteknekkaren frå Operaen i Bjørvika til Ørsta Kino.

For mange er Nøtteknekkaren den ultimate førjulsopplevinga. Nøtteknekkaren er klassisk ballettmagi og Tsjajkovskijs smittande musikk. Nøtteknekkaren er små barn som i pausen dansar rundt i foajeen og prøver å stå på tå i tunge vinterstøvlar. Nøtteknekkaren er Nasjonalballettens juleeventyr. Vi møter lille Clara som etter familiens juleselskap legg ut på ei draumereise. Saman med Nøtteknekkarprinsen besøker ho fjerne stader som Snødronninga og Blomsterfeens land, og opplever dans frå alle verdshjørner. Her er små og store ballerinaer, fargerike kostymer og storslagne scenebilete.

Ørsta kino ønskjer alle velkomen inn!