Taus – musikalske forteljingar om kvinner med fele

Folkemusikar Sigrid Moldestad frå Breim i Nordfjord har skapt si eiga solo-framsyning basert på den unike historia om alle dei kvinnelege spelemennene frå Nordfjord og Sunnmøre i tida frå år 1730 til om lag 1900. Maken til musikalsk kvinnehistorie finn ein ikkje nokon annan stad i landet! Søndag 11. november tek Moldestad med seg forteljingane og musikarane sine til Ivar Aasen-tunet, til den einaste framsyninga på Sunnmøre.