I ein smekkfull vinterhage på Hadartun på Hareid, heldt Kari Svendsen konsert saman med musikkollega Kjetil Skaslien. Duoen, som i følgje Skaslien har arbeidd saman i over 35 år, framførte mange låtar og viser. Ein Mellom anna song og spelte dei ei eiga tolking av songen "Tanta til Beate". Svenden, som også er kjent under kallenamnet "Banjo-Kari", var godt nøgd med både publikum og konserten.

- Dette var heilt strålande! Publikum var flott og lokalet gjorde at vi kom tett innpå dei, slik at konserten vart meir intim samanlikna med andre stadar vi har vore, fotel Svendsen.

Også Skaslien var nøgd med konserten på Hadartun.

- Oppleget her var veldig bra. Eg forstår det slik at også mange utanfrå sjukeheimen også tok turen, så det var veldig kjekt, smilar trekkspelspelaren.

Energisk stil

Svendsen har som oftast ein veldig energisk og positiv energi under konsertane sine, men legg ikkje skjul på at ho gjer sitt beste for å justere seg sjølv ut i frå omgjevnadane rundt seg.

- Eg prøvar å tilpasse meg publikum slik at eg ikkje køyrer over dei, eller motsett. Når det er sagt så diggar dei at det skjer noko, at det ikkje er så statisk, seier ho.

Den påstanden støttar Gudrun Vik Hareide, som deltok på konserten. Vik Hareide bur på sjukeheimen, og sette stor pris på det musikalske innslaget.

- Eg tykkjer at dette var veldig fint. Her på sjukeheimen har nokre av oss nedoverviker, og då er det kjekt når nokon kan kome og lage litt show og moro for oss, forklarar Vik Hareide med eit glimt i auget.

Miniturné

Konserten på Hadartun var ein av få stoppestadar for duoen. Vidare går vegen til Sjøholt, som også er siste stoppestad. Skaslien meiner at det får vere nok i denne omgang.

- Det er ikkje noko meir enn ein liten miniturné denne gongen. Vi ynskjer ikkje å vere på vegen så veldig lenge, så om lag 3-4 dagar i strekk held lenge nok. Vi har reist mykje i laupet av livet veit du.