Ekstraframsyning med Dagfinn Lyngbø

Alle billettar er rivne bort til Dagfinn Lyngbø si framsyning på Sjøborg 17. mars. Men folk har framleis sjanse til å sjå "Evolusjonen", for det blir ekstraframsyning same kveld.

Haugesund Avis er blant dei mange avisene som har gitt Dagfinn Lyngbø og framsyninga "Evolusjonen"terningkast seks. Avisa kalla i tillegg Lyngbø for ein "verbal juvel". Onsdag 17. mars blir det to framsyningar med Lyngbø på Sjøborg kulturhus i Ulsteinvik.

Billettane er no lagde ut til sal på Sjøborg si heimeside. Sidan Dagfinn Lyngbø la ut på turné med "Evolusjonen" i slutten av september i fjor, har det vore fulle hus og ekstraframsyningar mange stader. Framsyninga fekk seksar blant anna VG, Dagbladet, Aftenposten, Bergens Tidende og Sunnmørsposten. 25. november i fjor kåra VG "Evolusjonen" til tiårets femte beste sceneoppsetjing. Dagfinn Lyngbø er ein av landets mest prislønte artistar, og han var med på å etablere stand-up-sjangeren i Noreg tidleg på 1990-talet. "Ka e vitsen" vart sett av over 110.000 menneske, og "Evolusjonen" er hittil sett av 140.000 personar.