For første gong på fleire år er Ungdomens kulturmønstring for Ulstein og Hareid slått same til eitt arrangement. Konferansierar for kvelden er Karsten Heimland og Melita Badzar, båe 14 år. Det er stor overvekt i Ulstein og Hareid med ungdomar som har meldt seg på denne mønstringa med musikk. Det er tre danseinnslag og ni bidrag til utstillinga. Då kulturkontora i Ulstein og Hareid lanserte at det blir ei felles mønstring for Hareid og Ulstein møtte dei mykje godvilje mellom ungdomane. Ungdomane såg fram til å stå på den flotte scenen i kulturhuset i Ulsteinvik. Likevel er det ei ganske stor overvekt av ungdomar frå Ulstein som har meldt seg på. Uansett har kveldens publikum mykje flott å sjå fram til.
