Hilde Louise Asbjørnsen gjestar søre Sunnmøre på nytt, etter at ho gjesta Hareidsstemna for kort tid sidan. Denne gong er det Ørsta som får glede seg over songaren frå Sykkylven.
Onsdag 7. november gjestar ho Ørsta kulturhus saman med sitt eminente band.
Med seg har ho Anders Aarum på piano, Jens Fossum på bass, Svein Erik Å. Martinsen på gitar og Klaus Robert Blomvik på trommer.
"Månesjuk"
Chanteuse, improvisator og NRK's suverene ”Maestro”-vinnar er aktuell med sitt nye album "Månesjuk" 19. oktober 2012.
Albumet har allereie hausta fleire seksarar på terningen, og i heile haust har Hilde Louise Orchestra vore på turné i Noreg. Asbjørnsen har i 10 år virka som låtskrivar, tekstforfattar, kabaretartist og vokalist. Ho har gitt ut sju kritikarroste album, turnert landet fleire gonger med duoen Asbjørnsen & Joh. No sist gjorde ho rolla som “Ulla” i musikalsuksessen “The Producers” på Oslo Nye Teater. For sistnemnde vann ho prisen for “Beste Kvinnelege Artist” under Komiprisen 2011.