- Det lokale er ein viktig del av det nasjonale

Festtalar Remi Vattøy snakka i talen sin om nasjonalkjensla. Ho er ein viktig del av identiteten vår, som me kanskje ikkje tek fram til kvardags, men me tek ho fram på dagar som 17. mai, og om me kjenner henne truga. Men me har fleire identitetar. Den lokale identiteten er den som gjer at me vel å feire den store dagen 17. mai der me gjer, og mange hadde vald i år å leggje feiringa si til nettopp Eiksund.

I Eiksund var det denne dagen tradisjonen tru tog. Det var leikar utanfor Forsamlingshuset, og inne var det fest med flott program. Borna opna friskt med "Tenk at no er dagen her" og "Per Spelmann". Henriette Sunde leidde programmet stødig. Det var konkurranse mellom Indre, Midtre og Ytre i å byggje tårn av marsmellows og grillspyd og Emma Warholm Myrene song "Fields of gold". For ikkje å bløyme bordkonkurranse. Vinjar Drage spelte piano. Og der var gode kaker, pølse og brennsnut.