10. og 11. august er datoane for årets utgåve av Kong Arthurspelet på Sandsøya
Tre framsyningar
Gjennom spelhelga blir det sett opp tre framsyningar av Kong Arthurspelet. Laurdag 10. august er det to framsyningar, medan det blir runda av mei éi framsyning på sundag 11. august. Arrangøren har store forventingar til årets spel.
- Vi er i gang med entusiastiske aktørar og ny musikk. Den 10. og 11. august vil Sandsøya eksplodere i folketal, gjensynsglede og fine opplevingar, lovar leiinga i Arthurspelet.
Det er i år tiande gong Kong Arthurspelet vert sett opp. Den opphavlege historia er som før, der dei i tradisjonen tru flettar inn hendingar frå det siste året.
Tusenårsprosjekt
Kong Arthurspelet er Sande kommune sitt tusenårsprosjekt. I dette humoristiske friluftsteateret får du møte folket på og kring Kongsvollen slik det var for om lag 1500 år sidan.
Manusforfattarar er Odd Kåre Wiik, Arild Sande, Astrid Saure, Brit Gurskevik og Oddbjørn Hagen, som også er Kong Arthurspelet sin regissør. Manusforfattarane legg stor vekt på språket og har krydra dette med mange gamle lokale ord og uttrykk.
Musikken er laga av Nils Iver Holtar.
God kritikk
Kong Arthurspelet har hausta god kritikk godord frå anmeldarar. Mykje tyder på at årets publikum går til ei like festleg framsyning i år som dei førre åra.