Kommentar:

Murphys lov og makrell i tomat

Ikkje berre enkelt: Å opne ei boks med makrell i tomat kan vere ei av livets store utfordringar. FOTO: WIKIMEDIA COMMONS 

Kommentar

Det var ein mørk og kald dag i slutten av januar. Sol og plussgrader fortona seg som vage minner. Vinteren er lang og kald i Oslo. Mørkt når du står opp og mørkt når du kjem frå jobb. Tørr hud, gusten ansiktsfarge og hyppige forkjølingar følger med. Då må ein sørge for ein ting: Å få i seg nok D-vitamin og omega-3. Det er mange måtar å dekke behovet. Ein smakfull ein, er ei brødskive med makrell i tomat. Eg har vore flink å drikke tran heile livet, men det er litt lite delikat. Dessutan kjem det alltid ein real tran-gurp i løpet av dagen, når du minst ventar det. I møte med ein kunde. Eller på ein fullstappa trikk.