Nyleg blei det kjent at Rolls-Royce skal nytte 40 millionar kroner til å ruste opp området ved propellfabrikken. Arbeidet er godt i gong, og satsinga gir regionale ringverknader, no først i form av arbeid for Ulstein Entreprenør.
Rolls-Royce investerer 40 millionar kroner i ei kapasitetsoppgradering. Pakken inneheld planering og asfaltering av 7.000 kvadratmeter uteareal, bygging av eit stort utandørs telt for lagring og ikkje minst, ei stor innvendig oppgradering av høghallen. Arbeidet med høghallen kan ikkje ta til før plassen på biletet er ferdig asfaltert, då det som står inne i hallen må ut før oppgraderinga kan ta til. Dette skal etter planen skje allereie i januar. No jobbar Ulstein entreprenør på spreng for å gjere alt klart til asfaltering, før asfaltverket stengjer 15. desember. Heldigvis speler vêrgudane på lag, då det har vore mildt og fint byggevêr den siste tida.
Foto: Ole-Ottar Høgstavoll.